اسلام آباد ، 02جون 2016 : بلوچستان کی صوبائی اسمبلی کے 29 ویں اجلاس کی پہلی و آخری نشست میں ایوان نے امن و امان پر بحث کی ۔یہ اجلاس حزب اختلاف کی درخواست پر طلب کیا گیا ۔ایوان نے صوبائی وزیر لوکل باڈیز سردار مصطفیٰ ترین کے بیٹے اسد خان ترین کے اغوا پر بحث کی ۔ بحث یں 17 اراکین نے 285 منٹ تک اظہار خیال کیا۔
پاکستان مسلم لیگ(ن) کے ایک نو منتخب رکن نے حلف بھی اٹھایا ۔
خاص نکات
- نشست کا دورانیہ چھ گھنٹے15منٹ رہا ۔
- نشست کا آغاز طے شدہ وقت 04 بجے سہ پہر کی بجائے05 بج کر 30منٹ پر ہوا ۔
- 40 منٹ کیلئے وقفہ نماز کیا گیا ۔
- سپیکر نے نشست کی صدارت کی۔
- ڈپٹی سپیکر کی نشست بدستور خالی ہے ۔
- وزیر اعلیٰ شریک نہ ہوئے تاہم قائد حزب اختلاف نے مکمل نشست میں شرکت کی ۔
- نشست کے آغاز پر موجود اراکین کی تعداد 24(37فیصد)، اختتام پر 15(23فیصد ) مشاہدہ کی گئی۔
- پاکستان مسلم لیگ ، جمعیت العلما اسلام (ف) اور پختون خوا ملی عوامی پارٹی کے پارلیمانی قائد ین نے شرکت کی ۔
- ایک اقلیتی رکن بھی شریک ہوئے ۔
- تین ارکان نے رخصت کی درخواستیں ارسال کیں ۔
نمائندگی اور جوابدہی
- ایوان نےصوبائی وزیر لوکل باڈیز سردار مصطفیٰ ترین کے بیٹے اسد خان ترین کے اغوا کیس پر بحث کی ۔ بحث میں پختون خوا ملی عوامی پارٹی کے 08 ، نیشنل پارٹی کے 05 جمعیت العلما اسلام کے تین اور پاکستان مسلم لیگ کے ایک رکن سمیت مجموعی طور پر 17 اراکین نے شرکت کی اور 285 منٹ تک اظہار خیال کیا ۔
نظم و ضبط
- اراکین نے چھ نکات ہائے اعتراض پر 08 منٹ تک بحث کی ۔
شفافیت
- ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
- اراکین کی حاضری کی تفصیل ایوان کی ویب سائٹ پر دستیاب نہیں کی گئی ۔
(یہ فیکٹ شیٹ فری اینڈ فئیر الیکشن نیٹ ورک کی شریک کار تنظیم سی پی ڈی کی جانب سے بلوچستان اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی یا کوتاہی پر پیشگی معذرت خواہ ہے۔)
