اسلام آباد ، 29 مارچ 2016 : خیبر پختون خوا اسمبلی کے 16ویں اجلاس کی ساتویں نشست میں ایوان نے ایجنڈے پر موجود تین قانونی مسودات کی منظوری دی ۔ ایوان میں محکمہ آبپاشی سے متعلق مجلس ہائے قائمہ کی ایک رپورٹ بھی پیش کی گئی ۔
ایوان کی کارروائی کے خاص نکات
- نشست کا دورانیہ 34 منٹ رہا ۔
- نشست کا آغاز طے شدہ وقت 02بجے دن کی بجائے 02 بج کر 54 منٹ پر ہوا ۔
- صدارت کے فرائض سپیکر نےانجام دیئے ، ڈپٹی سپیکر موجود نہ تھیں ۔
- قائد ایوان اور قائد حزب اختلاف نشست میں شریک نہ ہوئے ۔
- نشست کا آغاز 32( 26فیصد ) جبکہ اختتام 35( 28فیصد( اراکین کی موجودگی کیساتھ ہوا ۔
- قومی وطن پارٹی اور پاکستان مسلم لیگ (ن) کے پارلیمانی قائدین شریک ہوئے
- تین اقلیتی رکن بھی شریک ہوئے ۔
- 08 اراکین نے رخصت کی درخواستیں ارسال کیں ۔
کارکردگی
- خٰبر پختون خوا پبلک سروس کمیشن (ترمیمی) بل 2016 ، خیبر پختون خوا نوادرات بل 2016 اور خیبر پختون خوا میڈیکل ٹیچنگ انسٹی ٹیوشنز ریفارمز ( ترمیمی) بل 2016 کی منظوری دی گئی ۔
- محکمہ آبپاشی پر قائم مجلس ہائے قائمہ نے ایک رپورٹ بھی پیش کی۔
نمائندگی اور جوابدہی
- ایجنڈے پر موجود 12میں سے 02 نشانذدہ سوالات کے جوابات دیئے گئے ، 10سوالات محرکین کی عدم موجودگی کے باعث چھوڑ دیئے گئے ۔ اراکین نے 02ضمنی سوالات بھی دریافت کئے ۔
نظم و ضبط
- پاکستان تحریک انصاف کے ایک رکن نے نکتہ اعتراض پر 05 منٹ تک اظہار خیال کیا ۔
شفافیت
- ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
(یہ فیکٹ شیٹ فری اینڈ فئیر الیکشن نیٹ ورک کی شریک کار تنظیم یو آر ڈی او کی جانب سے خیبر پختون خوااسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی یا کوتاہی پر پیشگی معذرت خواہ ہے۔)
