ایوان نےکیوبا کے آنجہانی صدر فیڈل کاسترو کی وفات پر اظہار تعزیت اور انہیں خراج عقیدت پیش کرنے کیلئے  ایک ضمنی قرارداد بھی منظور کی ۔

ایوان کی کارروائی کے خاص نکات

• نشست کا دورانیہ 02گھنٹے 37منٹ رہا ۔
• نشست کا آغاز طے شدہ وقت ساڑھے 10بجے صبح کی بجائے  38منٹ تاخیر سے ہوا ۔
• سپیکر نےایک گھنٹہ سنتالیس منٹ تک  نشست  کی صدارت کی،بقیہ کارروائی ڈپٹی سپیکر نے انجام دی ۔
• قائد ایوان (وزیرِ اعظم ) اور قائد حزب اختلاف شریک نہ ہوئے۔
• نشست کے آغاز پر 50(14فیصد) اور اختتام 41(12فیصد) اراکین موجود تھے۔
• نشست میں پختونخوا ملی عوامی پارٹی ، آل پاکستان مسلم لیگ، عوامی نیشنل پارٹی اور قومی وطن پارٹی شیر پاؤ کے پارلیمانی قائدین نے شرکت کی ۔
• چاراقلیتی اراکین بھی اجلاس میں شریک ہوئے ۔

کارکردگی

• ایوان نےوزیر قانون کی طرف سے پیش پاکستان کمیشنز آف انکوائری بل 2016 ،انکم ٹیکس (ترمیمی) بل 2016 اور پبلک پرائیویٹ پارٹنر شپ اتھارٹی بل 2016 کی منظوری دی ۔
• ایوان نے کنٹرول لائن پر بھارتی جارحیت اور کیوبا کے صدر فیڈل کاسترو کی وفات پر تعزیت کیلئے دو ضمنی قراردادیں منظور کیں ۔
• خارجہ امور ۔ داخلہ و منشیات کنٹرول اور منصوبہ بندی ، ترقی و اصلاحات پر قائم مجالس ہائے قائمہ نے اپنی میعادی رودادیں پیش کیں ۔
• ایوان نے اپنے قواعد و ضوابط ہائے کار مین ترامیم کیلئے وزیر پارلیمانی امور کی طرف سے پیش چار تحاریک کی منظوری دی ۔

نمائندگی و جوابدہی

• پارلیمان سے صدر کے خطاب پر ان سے اظہار تشکر کی قرارداد زیر غور نہ لائی گئی ۔
• نظام ہائے کار پر موجود 41 نشانذدہ سوالات میں سے 15 کے جوابات دیئے گئے ، اراکین نے 22 ضمنی سوال بھی دریافت کئے ۔
• زرعی اور تجارتی قرضوں پر زیادہ مارک اپ کی وصولی اور ٹیکسٹائل کے شعبے کو فراہم کی جانیوالی گیس کی مختلف قیمتیں وصول کرنے سے متعلق پیش دو الگ الگ دو توجہ دلاؤ نوٹس محرکین کی عدم موجودگی کے باعث نہ اٹھائے گئے ۔
• زیر ضابطہ 18چار اراکین نے 09 منٹ تک عوامی اہمیت کے مختلف نکات پر اظہار خیال کیا ۔

 نظم و ضبط

• اراکین نےکمیشنز آف انکوائری بل 2016 کی منظوری کیخلاف 12 بج 15 منٹ سے 12 بج کر 55 منٹ تک ایوان کی کارروائی کا مقاطعہ(بائیکاٹ ) کیا ۔
• پاکستان پیپلز پارٹی کے ایک رکن نے 11 بج کر 55 منٹ پر کورم کی نشاندہی کی تاہم گنتی کرانے پر کورم مکمل پایا گیا اور کارروائی دوبارہ شروع ہو گئی ۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
• اراکین کی حاضری کی تفصیل ایوان کی ویب سائٹ پر دستیاب پائی  گئی۔

(یہ فیکٹ شیٹ فری اینڈ فئیر الیکشن نیٹ ورک کی جانب سے قومی اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے۔)