پاکستان تحریک انصاف کے اراکین نے حکمران جماعت کیخلاف نعرے بازی شروع کی جس کے نتیجے میں جھگڑا کھڑا ہو گیا ۔ سپیکر نے کارروائی معطل کردی  جبکہ حزب اختلاف ایوان سے اٹھ کر چلی گئی اور واپس نہ آئی ۔

ایوان نے بقیہ وقت کے دوران بیشتر امور نپٹائے اور دو قانونی مسودات کی منظوری دی گئی ۔

ایوان کی کارروائی کے خاص نکات

• نشست کا دورانیہ 04گھنٹے 33 منٹ رہا ۔
• نماز کیلئےکارروائی 31 منٹ معطل رہی ۔
• نشست کا آغاز طے شدہ وقت 04بجے  شام کی بجائے 14 منٹ تاخیر سے ہوا ۔
• سپیکر نے مکمل نشست کی صدارت کی  ، ڈپٹی سپیکر بھی موجود تھے۔
• قائد ایوان (وزیرِ اعظم ) شریک نہ ہوئے جبکہ قائد حزب اختلاف نے 68 منٹ کیلئےشرکت  کی ۔
• نشست کے آغاز پر 49(14فیصد) اور اختتام 68(20فیصد) اراکین موجود تھے۔
• نشست میں پیپلز پارٹی پارلیمنٹیرینز ، متحدہ قومی موومنٹ ، جماعت اسلامی ، عوامی مسلم لیگ پاکستان ، بلوچستان نیشنل پارٹی عوامی اور مسلم لیگ ضیا کے پارلیمانی قائدین شریک ہوئے ۔
• سات اقلیتی اراکین نے بھی اجلاس میں شریک ہوئے ۔
• بارہ اراکین نے رخصت کی درخواستیں ارسال کیں ۔

کارکردگی

• ایوان نے سرکاری قانونی مسودات مرکزی لا افسران (ترمیمی) بل 2016 اور پاکستان ماحولیاتی تبدیلی بل 2016 کی منظوری دی ۔
• وزیر قانون و انصاف نے نیشنل سکول آف پبلک پالیسی (ترمیمی) آرڈیننس 2017 ایوان میں پیش کیا اور آئینی ( 25 ویں ترمیمی) بل 2017 اور لازمی قرآنی تعلیم بل 2017 ایوان میں متعارف کرائے ۔
• ایوان مین قانونی مسودے دھامہ خیز مواد (ترمیمی۹ بل 21016 ، لمیٹڈ لائبلٹی پارٹنر شپ بل 2016اور بچوں کے حقوق پر قومی کمیشن بل 2016 پر رپورٹیں پیش کی گئیں ۔
• قومی مالیاتی کمیشن ایوارڈ پر عمل در آمد کی دوسری ششماہی رپورٹ برائے عرصہ جنوری تا جون 2016 کی رپورٹ ایوان میں پیش کی گئی ۔

نمائندگی و جوابدہی

• نظام کار پر موجود 41 نشانذدہ سوالات میں سے 16 کے جوابات دیئے گئے ، اراکین نے 15 ضمنی سوال بھی اٹھائے ۔
• ایوان نے دو توجہ دلاؤ نوٹس اور شکریہ کی ایک تحریک پر غور نہ کیا ۔

نظم و ضبط

• اراکین نے 08 نکات ہائے اعتراض پر 02 گھنٹے 04 منٹ اظہار خیال کیا ۔
• پاکستان تحریک انصاف اور مسلم لیگ (ن) کے اراکین نے ایک دوسرے کیخلاف احتجاج کیا ۔
• متحدہ قومی موومنٹ  کے اراکین نے حکمران جماعت کے اراکین اور پی ٹی آئی  کے اراکین کے مابین لڑائی کیخلاف دو منٹ کیلئے ایوان سے واک آؤٹ کیا۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
• اراکین کی حاضری کی تفصیل ایوان کی ویب سائٹ پر دستیاب پائی  گئی۔

(یہ فیکٹ شیٹ فری اینڈ فئیر الیکشن نیٹ ورک کی جانب سے قومی اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے۔)