18 سینیٹرز اور  چیئرمین نے ان معاملات پر ایک گھنٹہ 34 منٹ بحث کی ۔

چیئرمین نے وزارت دفاع اور وزارت خارجہ سے کہا کہ وہ آئندہ بدھ تک سابق آرمی چیف جنرل (ر) راحیل شریف کی اسلامی فوجی اتحاد کے سربراہ کے طور پر تقرری اور اسکے پاکستان پر اثرات سے جواب داخل کریں ۔

خاص نکات

• نشست کا دورانیہ 04 گھنٹے 20منٹ رہا ۔
• نشست کا آغاز طے شدہ وقت 03 بجے سہ پہر ہوا۔
• 19 منٹ کا وقفہ نماز کیا گیا ۔
• چیئرمین  نے  مکمل نشست کی صدارت کی۔
• ڈپٹی چیئرمین اور وزیراعظم موجود  نہ تھے ۔
• قائد ایوان مکمل نشست میں شریک ہوئے جبکہ قائد  حزب اختلاف  02 گھنٹے 21 منٹ ایوان میں موجود رہے ۔
• نشست کا آغاز  24(23فیصد )  جبکہ اختتام  26(25فیصد( سینیٹرز کی موجودگی کیساتھ ہوا  ۔
• بلوچستان نیشنل پارٹی (مینگل) ، پاکستان مسلم لیگ اور بلوچستان نیشنل پارٹی (عوامی)   کے پارلیمانی قائدین  کے سوا تمام جماعتوں کے پارلیمانی قائدین شریک ہوئے  ۔
• تین اقلیتی سینیٹر بھی شریک ہوئے۔

کارکردگی

• ایوان نے غربت کے خاتمے ، ڈومیسائل سرٹیفیکیٹس کی تصدیق ، مختلف وزارتوں ، ڈویژنوں اور محکموں میں متعین  بلوچستان کے ملازمین اور تجارتی سرگرمیوں میں مشغول عورتوں کو سہولتیں فراہم کرنے سے  متعلق تین الگ الگ  قراردادوں کی منظوری دی ۔
• مہنگائی پر قابو پانے اور ہندوؤں کی جبری  مذہب تبدیلی سے   متعلق ارادادیں محرکین کی عدم موجودگی کے باعث نپٹا دی گئیں ۔
• خواجہ سراؤں کے ( حقوق کی حفاظت ) کا بل 2016 اور صوبائی موٹر وہیکلز (ترمیمی) بل 2016 ایوان میں متعارف کرائے گئے ، جنہیں متعلقہ مجالس ہائے قائمہ کے سپرد کردیا گیا ۔
• نجی اراکین کے تین قانونی مسودات گیس ریگولیٹری اتھارٹی ( ترمیمی) بل 2015 ، نیشنل کاؤنٹر ٹیرر ازم اتھارٹی ( ترمیمی) بل 2016 اور عوامی نمائندگی ایکٹ (ترمیمی) بل 2016 متعارف کرائے گئے ۔
• پاکستان پینل کوڈ (ترمیمی) بل 2016 اور آئینی ( ترمیمی) 2016 ( برائے ترمیم کئے جانے شق 203 ایف ) کو محرک کی درخواست پر موخر کر دیا گیا ۔
• مختلف مجالس  کے چیئرمینوں نے چار مختلف موضوعات پر اپنی رپورٹیں پیش کیں ۔

نمائندگی اور جوابدہی

• ایوان نے ہاؤس بزنس ایڈوائزری کمیٹی کے فیصلے کی روشنی میں  اس ہفتےکے دوران لاپتہ ہونیوالے انسانی حقوق کے کارکنوں اور طیبہ نامی دس سالہ گھریلو ملازمہ پر  مبینہ تشدد کے معاملات پر بحث کی  18 سینیٹرز اور  چیئرمین نے ان معاملات پر ایک گھنٹہ 34 منٹ بحث کی ۔
• ایوان نے ملک میں زیر زمین پانی کی سطح میں مسلسل کمی سے متعلق پیش تحریک زیر ضابطہ 218 پر جاری بحث کو مکمل ، 14 اراکین بشمول وزیر پانی و بجلی نے ایک گھنٹہ تک اظہار خیال کیا ۔
• کنٹرول لائن پر بھارتی افواج کی خلاف ورزیوں اور ورکنگ باؤنڈری پر سیز فائر سے  متعلق ایک  تحریک کو موخر کردیا گیا
• ایوان نے ایک تحریک پر موجودہ سیاسی صورتحال  پر بحث کی  جبکہ  تین تحاریک زیر ضابطہ 218 کو  محرکین کی عدم موجودگی کے باعث نپٹا  دیا ۔  ان تحاریک میں اسلام آباد کے ہوٹلوں  میں ناقص کھانوں کی فراہمی ، جرائم کی صورتحال اور بلوچستان میں بجلی کی طلب اور رسد میں فرق سے متعلق تھیں ۔

نظم و ضبط

• سینیٹرز نے عوامی اہمیت کے ایک نکتہ پر سات منٹ بحث کی ۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
• اراکین کی حاضری کی تفصیل ایوان کی ویب سائٹ پر دستیاب پائی  گئی۔

(یہ فیکٹ شیٹ فری اینڈ فئیر الیکشن نیٹ ورک کی جانب سے  ایوان بالا  کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے۔)