ایوان نے پاکستان تحریک انصاف اور پاکستان پیپلز پارٹی کی خواتین سینیٹرز کی طرف سے مشترکہ طور پر پیش ایک توجہ دلاؤ نوٹس کو اٹھایا جس میں پاکستان انٹرنیشنل ایئر لائنز کے ایک طیارے کو سات دسمبر 2016 کو پیش آنیوالے حادثے کی طرف توجہ دلائی گئی ۔ ۔نوٹس کے جواب کیلئے متعلقہ حکام کی عدم آمد پر چیئر نے سیکرٹری کو ہدائت کی کہ سول ایویشن اتھارٹی کے سیکرٹری اور ڈائریکٹر پی آئی اے کو  ایوان کا استحقاق مجروح کرنے نوٹس جاری  کئے جائیں ۔ حزب اختلاف کے تمام سینیٹرز نے اس معاملے پر 12 بج کر 02 منٹ  پر ایوان سے واک آؤٹ کیا  اور اجلاس کے ختم ہونے تک واپس نہ آئے ۔

خاص نکات

• نشست کا دورانیہ 02 گھنٹے 20منٹ رہا ۔
• نشست کا آغاز طے شدہ وقت ساڑھے دس بجے  صبح کی بجائے تین منٹ تاخیر سے ہوا ۔
• چیئرمین  نے 01 گھنٹہ11 منٹ تک نشست کی صدارت کی، باقی وقت کیلئے فرائض  پریذائیڈنگ افسران کے پینل کے ایک رکن نے انجام دیئے  نے ۔
• قائد ایوان 114 منٹ کیلئےنشست میں شریک ہوئے جبکہ وزیراعظم ، ڈپٹی چیئرمین اورقائد حزب اختلاف   موجود نہ تھے۔
• نشست کا آغاز  15(14فیصد )  جبکہ اختتام  10(09فیصد( سینیٹرز کی موجودگی میں ہوا  ۔
• بلوچستان نیشنل پارٹی(مینگل)  ، پاکستان تحریک انصاف، پاکستان پیپلز پارٹی ، پختون خواہ ملی عوامی پارٹی ، مسلم لیگ فنکشنل ، متحدہ قومی موومنٹ ، پاکستان مسلم لیگ  اور  پاکستان مسلم لیگ (ن)  کے پارلیمانی قائدین نے شرکت کی ۔
• ایک اقلیتی سینیٹر بھی شریک ہوئے

کارکردگی

• ایوان نے ایوان بالا کے قواعد و ضوابط ہائے کار 2012 کے ضابطہ 203 میں مجوزہ ترامیم کی منظوری دی ۔
• معاشرے کے پسماندہ طبقات پر قائم خصوصی کمیٹی کے کنوینئر نے معاشرے کے پسماندہ طبقات پر کمیٹی کی عبوری رپورٹ پیش کی ۔

نمائندگی اور جوابدہی

• ایوان نے پاکستان تحریک انصاف اور پاکستان پیپلز پارٹی کی خواتین سینیٹرز کی طرف سے مشترکہ طور پر پیش توجہ دلاؤ نوٹس کو اٹھایا جس میں پاکستان انٹرنیشنل ایئر لائنز کے ایک طیارے کو سات دسمبر 2016 کو پیش آنیوالے حادثے کی طرف توجہ دلائی گئی  جبکہ ایک اور توجہ دلاؤ نوٹس میں کنٹرول لائن پر سیز فائر کی مسلسل خلاف ورزیوں اور شہریوں کے جاں بحق ہونے کے باوجود پاک بھارت تجارت جاری رہنے کی طرف توجہ مبذول کرائی گئی ۔
• قانون اور انصاف کے وزیر نے پانچ ریگولیٹری اداروں کو وزارتوں کےکنٹرول میں دینے کے  اقدام کا  24 منٹ تک دفاع کیا ۔چیئر نے اسی مسلے پر 13 منٹ اظہار خیال کیا اور اپنی رولنگ محفوظ کرلی ۔
• ایوان نے قواعد و ضوابط ہائے کار کے ضابطہ 203 کی ذیلی دفعہ (2) کے تحت  ایک تحریک کی منظوری دی ۔یہ تحریک خصوصی کمیٹی اور اسکی  ہیئت اور رائٹ ٹو انفارمیشن بل 2016 پر غور سے متعلق تھی ۔
• نظام کار پر موجود 29 میں سے 14 نشانذدہ سوالات اٹھائے گئے ۔

نظم و ضبط

• ایک نکتہ اعتراض پر پانچ منٹ صرف کئے گئے ۔
• حزب اختلاف کے تمام سینیٹرز نے پی آئی اے کے طیارے کے حالیہ حادثے سے متعلق توجہ دلاؤ نوٹس کا جواب نہ ملنے پر 12 بج کر 02 منٹ پر ایوان سے واک آؤٹ کیا  اور اجلاس کے ختم ہونے تک واپس نہ آئے ۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
• اراکین کی حاضری کی تفصیل ایوان کی ویب سائٹ پر دستیاب پائی  گئی۔

(یہ فیکٹ شیٹ فری اینڈ فئیر الیکشن نیٹ ورک کی جانب سے  ایوان بالا  کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے۔)