کورم کی کمی کے باعث نشست قبل از وقت ملتوی کردی گئی ۔

خاص نکات

• نشست کا دورانیہ03 گھنٹے 55 منٹ رہا ۔
• نشست کا آغاز طے شدہ وقت 04بجے شام  کی بجائے04بج کر33منٹ پر ہوا ۔
•   سپیکر نے 21 منٹ تک  نشست کی صدارت کی، بقیہ کارروائی پینل آف چیئر پرسنز کے رکن نے نبھائی ۔
• وزیر اعلیٰ نشست میں شریک نہ ہوئے تاہم قائد حزب اختلاف  03 گھنٹے 34 منٹ  کیلئے نشست میں شریک ہوئے ۔
• نشست کے آغازپر موجود اراکین کی تعداد 22( 32فیصد ) اور اختتام پر صرف ایک رکن کی موجودگی مشاہدہ کی گئی ۔
• پختون خوا ملی عوامی پارٹی ، جمعیت العلما اسلام (ف) ، مسلم لیگ قائداعظماور عوامی نیشنل پارٹی  کے پارلیمانی قائد ین نے شرکت کی ۔
• دو اقلیتی اراکین نے بھی شرکت کی۔
• نو اراکین نے رخصت کی درخواستیں ارسال کیں ۔

کارکردگی

• ایوان نے نے صوبے کا حج کوٹہ بڑھانے کی مشترکہ قرارداد کی متفقہ منظوری دی ۔ صوبائی حکومت سے مطالبہ کیا گیا کہ اس حوالے سے وفاقی حکومت سے رابطہ کیا جائے ۔دو اراکین نے قرارداد پر چھ منٹ اظہار خیال کیا ۔
• چیئر نے مطلوبہ ووٹ حاصل نہ کر سکنے پر ایک قرارداد مسترد کردی ، قرارداد میں اردو کو دفتری زبان قرار دینے کا مطالبہ کیا گیا تھا ۔ اس قرارداد پر پانچ اراکین نے 27 منٹ اظہار خیال کیا ۔
• نظام کار پر موجود دیگر دو نجی قراردادیں بھی زیر غور نہ لائی گئیں ۔

نمائندگی و جوابدہی

• نظام ہائے کار پر موجود تمام پانچ نشانذدہ سوالات اٹھائے گئے ، متعلقہ وزارتوں نے جواب دیئے ۔اراکین نے چار ضمنی سوالات بھی دریافت کئے ۔
• ایوان نے ایک ہی موضوع پر پیش دو تحاریک التوا کو اختھا کرتے ہوئے آئندہ نشست میں بحث کیلئے منظور کر لیا ۔ان تحاریک التوا میں پنجاب اور سندھ میں پختونوں کی پکڑ دھکڑ کا معاملہ اٹھایا گیا ۔نو اراکین نے ان تحاریک کی منظوری کیلئے 58 منٹ اظہار خیال کیا ۔

نظم و ضبط

• اراکین نے 13 نکات ہائے اعتراض پر ایک گھنٹہ گیارہ منٹ اظہار خیال کیا ۔
• جمعیت العلما اسلام(ف) کے ایک رکن نے آٹھ بج کر سات منٹ پر کورم کی نشاندہی کی ۔ پانچ منٹ تک گھنٹیاں بجائی گئیں ، کارروائی 15 منٹ معطل رہی ، تاہم گنتی کرانے پر کورم کم پایا گیا ، نشست ملتوی کرنی پڑی ۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
• اراکین کی حاضری کی تفصیل ایوان کی ویب سائٹ پر دستیاب نہیں کی گئی ۔

)یہ فیکٹ شیٹ فری اینڈ فئیر الیکشن نیٹ ورک   کی شریک  کار تنظیم  سی پی ڈی  کی جانب  سے بلوچستان اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے(