اسلام آباد ، 19جون 2016 : بلوچستان کی صوبائی اسمبلی کے 30ویں اجلاس کی پہلی نشست میں ایوان میں مالی سال 2016،17 کا سالانہ میزانیہ ( بجٹ ) پیش کیا گیا
خاص نکات
- نشست کا دورانیہ ایک گھنٹہ 33 منٹ رہا ۔
- نشست کا آغاز طے شدہ وقت 04 بجے سہ پہر کی بجائے04 بج کر 15منٹ پر ہوا ۔
- سپیکر نے نشست کی صدارت کی۔
- ڈپٹی سپیکر کی نشست بدستور خالی ہے ۔
- وزیر اعلیٰ اور قائد حزب اختلاف شریک ہوئے ۔
- نشست کے آغاز پر موجود اراکین کی تعداد 32(50فیصد)، اختتام پر 51(80فیصد ) مشاہدہ کی گئی۔
- پاکستان مسلم لیگ(ن) ، جمعیت العلما اسلام (ف) ، پاکستان مسلم لیگ ، عوامی نیشنل پارٹی ، نیشنل پارٹی ، مجلس وحدت المسلمین اور پختون خوا ملی عوامی پارٹی کے پارلیمانی قائد ین نے شرکت کی ۔
- دو اقلیتی رکن بھی شریک ہوئے ۔
- تین ارکان نے رخصت کی درخواستیں ارسال کیں ۔
کارکردگی
- وزیراعلیٰ ( قائد ایوان ) نے سالانہ میزانیہ برائے 2016،17 اور رواں مالی سال 2015،16 کے ضمنی بجٹ کو پیش کیا اور 86 منٹ طویل تقریر کی ۔
نظم و ضبط
- اراکین نے دو نکات ہائے اعتراض پر 01 منٹ تک اظہار خیال کی ۔
شفافیت
- ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
- اراکین کی حاضری کی تفصیل ایوان کی ویب سائٹ پر دستیاب نہیں کی گئی ۔
(یہ فیکٹ شیٹ فری اینڈ فئیر الیکشن نیٹ ورک کی شریک کار تنظیم سی پی ڈی کی جانب سے بلوچستان اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی یا کوتاہی پر پیشگی معذرت خواہ ہے۔)
