متعلقہ وزرا کی غیر حاضری کے باعث وقفہ سوالات منعقد نہ ہوا

نیشنل پارٹی کے اراکین کا حکومت کی بے اعتنائی کے خلاف احتجاج

بلوچستان کے صوبائی ایوان کا 34واں اجلاس 21 ستمبر  تا یکم اکتوبر 2016 چھ نشستوں میں منعقد ہوا ۔ اس دوران ایوان نے پاکستان مسلم لیگ (ن) کے اقلیتی رکن سنتوش کمار کی نشست انہی کی پارٹی کی طرف سے پیش تحریک زیر ضابطہ 52 کی منظوری دیتے ہوئے منسوخ کردی ۔ سنتوش کمار  کیخلاف کارروائی مسلسل چالیس روز ایوان سے غیر حاضر رہنے کی بنیاد پر کی گئی ۔ علاوہ ازیں متعلقہ وزرا کی ایوان سے غیر حاضری کے کے باعث وقفہ سوالات بھی منعقد نہ ہو سکا ۔

 34 ویں اجلاس کے دوران ایوان مین اراکین کی حاضری کمی کے رحجان کا شکار رہی ۔ ایوان نے کم حاضری کے باوجود دو قانونی مسودات اور چار قراردادوں کی منظوری ۔تین قراردادیں محرکین نے واپس لے لیں دو کومزید غور کیلئے خصوصی مجلس کے سپرد کیا گیا ۔ مختلف موضوعات پر رپورٹیں پیش کی گئیں جبکہ اراکین نے اجلاس کے دوران مجموعی طور پر 42 نکات ہائے اعتراض اٹھائے ۔ ان نکات ہائے اعتراض پر اراکین نے اجلاس کے مجموعی وقت میں سے دو گھنٹے چار منٹ صرف کئے ۔ اجلاس کے دوران ایوان سے بطور احتجاج اٹھ کر باہر چلے جانیکا صرف ایک واقعہ مشاہدے میں آیا ۔

34 ویں اجلاس کی روداد جیسا کہ اراکین و عہدیداروں کی حاضری ، قانونی مسودات کے نام و اغراض و مقاصد ، قراردادوں و رپورٹوں کے موضوعات وغیرہ نکات کی صورت میں پیش ہیں ۔

حاضری و اوقات

• اراکین کی فی نشست اوسط حاضری نشست کا آغاز پر 23 ( 33 فیصد )اور اختتام پر 20 ( 28 فیصد رہی
• اجلاس کی ہر نشست طے شدہ وقت کی بجائے اوسطا 53 منٹ تاخیر سے شروع ہوئی
• اجلاس کا مجموعی دورانیہ 11 گھنٹے 06 منٹ رہا جبکہ ہر نشست اوسطا 01 گھنٹہ 51 منٹ جاری رہی
• پانچویں نشست سب سے طویل اور دوسری نشست مختصر ترین رہی جسکی کارروائی صرف 39 منٹ چلی

پارلیمانی رہنماؤں کی حاضری

• پاکستان مسلم لیگ کے پارلیمانی قائد تمام چھ نشستوں میں شریک ہوئے
• پختون خواہ ملی عوامی پارٹی کے پارلیمانی قائد نے پانچ نشستوں میں شرکت کی ۔
• پاکستان مسلم لیگ کے پارلیمانی قائد چار نشستوں میں شریک ہوئے ۔
• عوامی نیشنل پارٹی کے قائدین تین نشستوں میں موجود دکھائی دیئے۔
• مجلس وحدت المسلمین اور نیشنل پارٹی کے پارلیمانی قائدین نے دو ،دو نشستوں میں شرکت کی ۔
• جمعیت العلما اسلام (ف) اور بلوچستان نیشنل پارٹی کے پارلیمانی قائدین کسی نشست میں شریک نہ ہوئے ۔

سپیکر و دیگر اہم عہدیداروں کی شرکت

• سپیکر تمام نشستوں مین حاضر رہیں اور سات گھنٹے اٹھاون منٹ تک اجلاس کی صدارت کی ۔
• چیئر پرسنوں کے اراکین نے 03 گھنٹے 08 منٹ تک اجلاس کی صدارت کے فرائض نبھائے ۔
• وزیر اعلیٰ ( قائد ایوان ) چار نشستوں میں شریک ہوئے اور مجموعی طور پر پانچ گھنٹے 04 منٹ ایوان مین گزارے ۔
• قائد حزب اختلاف اجلاس کی کسی نشست میں شریک نہ ہوئے ۔

منظور کئے گئے قانونی مسودات

• شیشہ سموکنگ پر پابندی کا بل 2016(یہ بل صوبے میں شیشہ تمباکو کی تیاری ، در آمد ، استعمال اور خرید و فروخت کو ممنوع قراردیتا ہے ۔ اقدام کا مقصد صوبے کے نوجوانوں کو شیشہ سموکنگ سے باز رکھ کر انکی سحت کی حفاظت ہے ۔)
• بلوچستان ملازمین کی کارکردگی و نظم و ضبط ( ترمیمی) بل 2016 (اس بل کا مقصد موجودہ قانون کو بلوچستان لیویز فورس کے قواعد نظم و ضبط بل 2015 کے تقاضوں کے مطابق ڈھالنا ہے۔)

تحریک زیر ضابطہ 52

• ایوان اقلیتی رکن سنتوش کمار کی مسلسل 40 روزہ غیر حاضر  ی کی بنا پر انکی نشست خالی قرار دے۔ یہ تحریک پاکستان مسلم لیگ (ن) کے ایک رکن کی طرف سے ایوان کے قواعد و ضوابط ہائے کار کے ضابطہ 52 کے تحت پیش کی گئی ۔تحریک  کی اکثریت رائے سے منظوری دی  گئی۔

منظور کی گئی قراردادیں

• وفاقی حکومت صوبے کے کم ترقی یافتہ  علاقوں کیلئے فوری  فنڈزجاری  کرے ۔
• پاکستان کی سرزمین پر بھارتی جارحیت کی مذمت ۔
• صوبے  میں نادرا کے ایگزیکٹو آفس کے قیام اور نادرا دفاتر میں خواتین کیلئے علیحدہ کاؤنٹر قائم کرنے کئے جائیں ۔
• حکومت صوبے میں ناقص مال تیار کرنیوالی بیوریج کمپنیوں کیخلاف کارروائی کرے ۔

مجلس کے سپر کی گئی قراردادیں

• ایوان نے دو مشترکہ قراردادوں کو پارلیمانی قائدین پر مشتمل مجلس کے سپرد کردیا ۔ ان قراردادوں میں پٹ فیڈر کینال کی جلد تعمیر اور پانی کے بقایا جات  کی  صوبے کو ادائیگی کے مطالبات اٹھائے گئے ۔

واپس لی گئی قراردادیں

• وزیر صحت نے بحث کے بعد اپنی قرارداد واپس لے لی ۔ اس قرارداد میں 08 ستمبر کو زبان کا قومی دن  کے طور پر منانے کا مطالبہ کیا گیا  تھا ۔ 08 اراکین نے اس قرارداد پر 17 منٹ تک اظہار خیال کیا ۔
• صحت کی حفاظت کے عوامی بنیادی پروگرام بلوچستان کے تحت بنیادی صحت مراکز ، تحصیل اور ضلعی ہسپتالوں میں کام کرنے والے ملازمین کو مستقل کیا جائے  ۔
• کوئٹہ کے حالیہ بم دھماکے میں جاں بحق صحافیوں اور شہریوں کے خاندانوں کی مالی مدد سے متعلق پیش قرارداد کو محرک نے حکومتی یقین دہانی کے بعد واپس لے لیا ۔

رپورٹ

• اسلام آباد اور کراچی میں قائم بلوچستان ہاؤسز کے کمروں کے کرائے سے متعلق مجلس کی رپورٹ پیش کی گئی ۔ ایوان نے رپورٹ کو ترامیم کیساتھ قبول کیا ۔

واک آؤٹ

• تیسری نشست میں نیشنل پارٹی کے اراکین نے 54 منٹ کیلئے ایوان سے واک آؤٹ کیا ۔ انکا کہنا تھا کہ حکومت انہیں اہم معاملات میں اعتماد میں نہیں لیتی ۔