کارروائی کے اہم نکات

• نشست کا دورانیہ 86  منٹ  رہا ۔
• نشست کا آغاز طے شدہ وقت 03بجےسہ پہر  کی بجائے  03بج کر 52منٹ پر  ہوا ۔
• مکمل نشست کی صدارت سپیکر نے کی ، ڈپٹی سپیکر   بھی موجود تھیں  ۔
• قائد ایوان نے ایک گھنٹہ 18 منٹ کیلئے شرکت کی تاہم قائد حزب اختلاف نشست میں  شریک نہ ہوئے ۔
• نشست کا آغاز 55( 44فیصد )  جبکہ اختتام  51( 41فیصد( اراکین کی موجودگی کیساتھ ہوا  ۔اجلاس کے دوران کسی ایک موقع پر موجود اراکین کی زیادہ سے زیادہ تعداد 64(52فیصد ) مشاہدہ کی گئی ۔
• جماعت اسلامی اور پاکستان مسلم لیگ (ن)  کےپارلیمانی  قائدشریک ہوئے ۔
• دو اقلیتی رکن بھی شریک ہوئے ۔
• 11 اراکین نے رخصت کی درخواستیں ارسال کیں ۔

کارکردگی

• ایوان نے خیبر پختون خوا انتقال خون سیفٹی اتھارٹی بل 2016 ، دی برین انسٹی ٹیوٹ  بل 2016 اور پبلک پرائیویٹ پارٹنر شپ (ترمیمی) بل 2016 کی منظوری دی ۔
• خیبر پختون خوا للسائل والمحروم فاؤنڈیشن (ترمیمی) بل متعارف کرایا گیا جسے متعلقہ مجلس کے سپرد کر دیا گیا۔
• خیبر پختون خواہ کان کنوں و معدنیات کی ترقی کا بل اور ریگولیشنز آرڈیننس 2016 ایوان میں پیش کئے گئے ۔
• ایوان نے ایک قرارداد منظور کی جس میں وفاقی حکومت سے مطالبہ کیا گیا کہ پاک چین اقتصادی راہداری کی ترجیحی بنیادوں پر تعمیر کے وعدوں کو پورا کیا جائے ۔
• ایوان نے مواصلات اور ورکس پر قائم مجلس کی رپورٹ کی منظوری دی ۔

نمائندگی و جوابدہی

• نظام کار پر موجود ایک توجہ دلاؤ نوٹس اٹھایا گیا ۔ اس نوٹس میں صوبائی اسمبلی اور سول سیکرٹریٹ کے ملازمین کو سالانہ بجٹ میں کئے گئے وعدے کے مطابق الاؤنس فراہم کرنیکی طرف توجہ مبذول کرائی گئی ۔
• بنوں کو ترقیاتی فنڈز دینے سے متعلق ایک توجہ دلاؤ نوٹس محرک نے واپس لے لیا جبکہ ایک اور توجہ دلاؤ نوٹس پر محرک کی عدم موجودگی کے باعث غور نہ ہوا۔
• ایوان نے دیر کالج کے پرنسپل کے خلاف پاکستان پیپلز پارٹی کے رکن جبکہ پشاور کے ایک ہوسٹل وارڈن کیخلاف پاکستان تحریک انصاف کے رکن کی تحاریک استحقاق پر غور کیا ۔ دونوں تحاریک متعلقہ مجلس کے سپرد کر دی گئیں ۔
• نظام کار پر موجود آٹھ میں سے تین نشانذدہ سوالات اٹھائے گئے ، متعلقہ محکموں نے انکے جوابات دیئے ۔ایک ضمنی سوال بھی دریافت کیا گیا ۔

نظم و ضبط

• ایک نکتہ اعتراض پر دس منٹ صرف کئے گئے ۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔

(یہ فیکٹ شیٹ فری اینڈ فئیر الیکشن نیٹ ورک   کی شریک  کار تنظیم   یو آر ڈی او کی جانب  سے  خیبر پختون خوااسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے۔)