اسلام آباد ، 22ستمبر 2016 : سندھ کی صوبائی اسمبلی کے 27 ویں اجلاس کی دوسری نشست میں ایوان میں حزب اختلاف کے احتجاج کے دوران ایک سرکاری قانونی مسودے سندھ برطرف ملازمین کی ( بحالی ) کے بل 2016 کی منظوری دی گئی ۔
کارروائی کے خاص نکات
- نشست کا دورانیہ 02 گھنٹے32 منٹ رہا ۔
- نشست مقررہ وقت 10بجے صبح کی بجائے 10 بج کر 25منٹ پر شروع ہوئی ۔
- سپیکر نے ایک گھنٹہ دو منٹ تک نشست کی صدارت کی بقیہ کارروائی ڈپٹی سپیکر نے نبھائی ۔
- قائد ایوان ایک گھنٹہ چھ منٹ کیلئے نشست میں شریک ہوئے جبکہ قائد حزب اختلاف نے 28 منٹ کیلئے شرکت کی ۔
- نشست کےآغاز پر 33( 20فیصد ) جبکہ اختتام پر 77(46 فیصد) اراکین کی موجودگی مشاہدہ کی گئی ۔
- مسلم لیگ (ن) ، پاکستان پیپلز پارٹی ، پاکستان تحریک انصاف ، مسلم لیگ فنکشنل اور متحدہ قومی موومنٹ کے پارلیمانی قائدین نے شرکت کی ۔
- پانچ اقلیتی رکن شریک ہوئے ۔
- دو اراکین نے رخصت کی درخواست ارسال کی ۔
کارکردگی
- ایک سرکاری قانونی مسودے سندھ برطرف ملازمین کی ( بحالی ) کے بل 2016 کی منظوری دی گئی
- وزیر برائے پارلیمانی امور نے سندھ اسلحہ ( ترمیمی) بل 2016 اور سندھ معلومات تک حق بل 2016 متعارف کرائے۔دونوں قانونی مسودات کو مزید غور کیلئے متعلقہ مجالس ہائے قائمہ کے سپرد کر دیا گیا ۔
نمائندگی و جوابدہی
- نظام کار پر موجود پانچ نشانذدہ سوالات میں سے چارکے جوابات دیئے گئے ۔اراکین نے 19 ضمنی سوالات بھی دریافت کئے ۔
- پاکستان تحریک انصاف کے ایک رکن کی طرف سے صوبے میں شراب کی تیاری اور فروخت کو روکنے سے متعلق حکومتی وعدے کی عدم تکمیل کیخلاف پیش کی گئی تحریک استحقاق کی نہ صرف حکومت نے مخالفت کی بلکہ سپیکر نے تحریک کو خلاف ضابطہ بھی قرار دیدیا ۔ اس تحریک پر دواراکین 17 منٹ بحث کی ۔
- حکومت نے حیدر آباد کے مکینوں کیلئے پانی کی فراہمی سے متعلق پیش پاکستان مسلم لیگ فنکشنل کے ایک رکن تحریک التوا کی مخالفت کی ، سپیکر نے بھی اس تحریک التوا کو مسترد کردیا ۔
- نظام کار پر موجود چار میں سے تین توجہ دلاؤ نوٹس اٹھائے گئے ، متعلقہ وزارتوں کے انکے جوابات دیئے ۔
نظم و ضبط
- اراکین نے 03 نکات ہائے اعتراض اٹھائے جن پر 06 منٹ صرف ہوئے ۔
- حزب اختلاف نے سندھ برطرف ملازمین کی ( بحالی ) کے قانون 2016کی عجلت میں منظوری کیخلاف ایک منٹ کیلئے احتجاج کیا ۔
شفافیت
- ایجنڈے کی نقول تمام اراکین ، مشاہدہ کاروں اور دیگرکیلئے دستیاب تھیں ۔
- اراکین کی حاضری کی تفصیل مشاہدہ کاروں اور عوام کیلئے دستیاب بنائی گئی ۔
(یہ فیکٹ شیٹ فری اینڈ فئیر الیکشن نیٹ ورک کی شریک کار تنظیم پاکستان پریس فاؤنڈیشن کی جانب سے سندھ اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی یا کوتاہی پر پیشگی معذرت خواہ ہے۔)
