اسلام آباد ، 07مارچ 2017 : سندھ کی صوبائی اسمبلی کے 30ویں اجلاس کی دوسری نشست میں ایوان نے اراکین کی کم تعداد میں شرکت کے باوجود دو قراردادوں کی منظوری دی ۔
قرارداد منظور ایوان کی کارروائی کے خاص نکات
- نشست کا دورانیہ 03گھنٹے 20 منٹ رہا ۔
- نشست مقررہ وقت 10بجے صبح کی بجائے 11 بجے شروع ہوئی ۔
- نماز کے وقفہ کے باعث کارروائی 03 منٹ معطل رہی ۔
- سپیکر نے دو گھنٹے 46 منٹ تک نشست کی صدارت کی، بقیہ وقت کی کارروائی چیئر پرسنوں کے پینل کے ایک رکن نے ادا کئے ۔
- ڈپٹی سپیکر ،قائد ایوان اور قائد حزب اختلاف شریک نہ ہوئے۔
- نشست کےآغاز پر 56( 33فیصد ) جبکہ اختتام پر 47(28 فیصد) اراکین کی موجودگی مشاہدہ کی گئی ۔
- مسلم لیگ (ف) ، پاکستان پیپلز پارٹی ، متحدہ قومی موومنٹ ، مسلم لیگ (ن) اورپاکستان تحریک انصاف کے پارلیمانی قائدین نے شرکت کی ۔
- چھ اقلیتی رکن شریک ہوئے ۔
- دس اراکین نے رخصت کی درخواستیں ارسال کیں ۔
کارکردگی
- ایوان نے دو قراردادوں کی منظوری دی ، پہلی قرارداد میں کے الیکٹرک پر زور دیا گیا کہ ٹی او یو میٹرنگ نظام اپنائے ، دوسری قرارداد میں سیوریج کے پانی کے سمندر میں گرنے کو روکنے کا نظام وضع کرنے کا مطالبہ کیا گیا ۔
- ایوان نے دو قراردادوں کو مسترد کردیا جبکہ دو قراردادیں محرکین نے واپس لے لیں ۔
- ایوان نے قواعد و ضوابط میں ترامیم کی 23 تحاریک پر غور نہ کیا ۔
نمائندگی و جوابدہی
- نظام ہائے کار پر موجود چار نشانذدہ سوالات اٹھائے گئے ، اراکین نے 17 ضمنی سوالات بھی دریافت کئے ۔
- مختلف مسائل پر موجود پانچ نجی تحاریک کو نہ اٹھایاگیا ۔
نظم و ضبط
- حزب اختلاف مسلم لیگ (ف) کی طرف سے پیش ایک قرارداد کی حکومت کی طرف سے مخالفت کیخلاف ایوان میں 20 منٹ احتجاج اور بعد ازاں علامتی واک آؤٹ کیا ۔
- نطام کار میں امور شامل نہ کرنے کے خلاف متحدہ قومی موومنٹ کے رکن نے چھ منٹ کیلئے واک آؤٹ کیا ۔
- متحدہ قومی موومنٹ اور پاکستان تحریک انصاف کے ایک ایک رکن نے انہیں نکتہ اعتراض پر بولنے کی اجازت نہ دینے پر چیئر کے خلاف مشترکہ طور پر پانچ منٹ احتجاج کیا ۔
شفافیت
- ایجنڈے کی نقول تمام اراکین ، مشاہدہ کاروں اور دیگرکیلئے دستیاب تھیں ۔
- اراکین کی حاضری کی تفصیل مشاہدہ کاروں اور عوام کیلئے دستیاب بنائی گئی ۔
(یہ فیکٹ شیٹ فری اینڈ فئیر الیکشن نیٹ ورک کی شریک کار تنظیم پاکستان پریس فاؤنڈیشن کی جانب سے سندھ اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی یا کوتاہی پر پیشگی معذرت خواہ ہے۔)
