اسلام آباد ،20مئی 2016 : ایوانِ زیریں کے32ویں اجلاس کی دسویں و آخری نشست میں ایوان نظام کار پر موجود بیشتر امور نمٹانے کے بعد غیر معینہ مدت کیلئے ملتوی ہو گیا ۔
ایوان کی کارروائی کے خاص نکات
- نشست کا دورانیہ 02 گھنٹے 33 منٹ رہا ۔
- نشست کا آغاز طے شدہ وقت ساڑھے دس بجے کی بجائے06 منٹ تاخیر کیساتھ ہوا۔
- سپیکر کی عدم موجودگی کے باعث مکمل نشست کی صدارت ڈپٹی سپیکر نے کی ۔
- وزیرِ اعظم اور قائد حزب اختلاف شریک نہ ہوئے ۔
- کابینہ کے 12 اراکین نے اجلاس میں شرکت کی۔
- نشست کے آغاز پر 36(10فیصد) اور اختتام پر18(05فیصد) اراکین موجود تھے۔
- نشست میں مسلم لیگ فنکشنل ، آل پاکستان مسلم لیگ، مسلم لیگ ضیا اور پختون خوا ملی عوامی پارٹی کے پارلیمانی قائدین نے شرکت کی ۔
- سات اقلیتی اراکین بھی اجلاس میں شریک ہوئے ۔
کارکردگی
- ایوان نے سرکاری قانونی مسودے فوجداری قانون ( ترمیمی) ببل 2015 کی منظوری دی ۔
- جہاز رانی اور بندر گاہوں پر قائم مجلس قائمہ کے ایک رکن نے جولائی تا دسمبر 2015 کیلئے کمیٹی کی میعادی رپورٹ پیش کی ۔
نمائندگی اور جوابدہی
- ایجنڈے پر موجود 32 نشانذدہ سوالات میں سے 11 کے جوابات دیئے گئے ، اراکین نے 22 ضمنی سوال بھی دریافت کئے ۔
- حکومت نے وفاقی جامعات میں معذور طلبہ کیلئے سہولتوں کی کمی سے متعلق ایک توجہ دلاؤ نوٹس کا جواب دیا ۔
نظم و ضبط
- اراکین نے 19 نکات ہائے اعتراض پر 52 منٹ تک اظہار خیال کیا ۔
- پاکستان تحریک انصاف کےایک رکن نے 12 بج کر 10 منٹ پر کورم کی نشاندہی کی تاہم گنتی کرانے پر کورم پورا پایا گیا ۔
- شفافیت
- ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
- اراکین کی حاضری کی تفصیل ایوان کی ویب سائٹ پر دستیاب پائی گئی۔
(یہ فیکٹ شیٹ فری اینڈ فئیر الیکشن نیٹ ورک کی جانب سے قومی اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی یا کوتاہی پر پیشگی معذرت خواہ ہے۔)