24
اسلام آباد ،24اکتوبر 2016 :پنجاب کی صوبائی اسمبلی کے24ویں اجلاس کی ساتویں و آخری نشست میں ایوان نے بچوں سے مشقت پر پابندی کے بل سمیت تین قانونی مسودات کی منظوری دی ۔
ایوان کی کارروائی کے خاص نکات
- نشست کا دورانیہ 02 گھنٹے 06 منٹ رہا ۔
- 21 منٹ کیلئے وقفہ نماز کیا گیا ، کارروائی معطل رہی ۔
- نشست طےشدہ وقت 03بجے دوپہرکی بجائے سہ پہر 04 بج کر 20 منٹ پر شروع ہوئی ۔
- سپیکر نے مکمل نشست کی صدارت کی ،ڈپٹی سپیکر موجود نہ تھے ۔
- قائد ایوان شریک نہ ہوئے ۔قائد حزب اختلاف نے 31 منٹ کیلئے شرکت کی ۔
- نشست کےآغاز پر ایوان میں موجود اراکین کی تعداد28(07فیصد) ، اختتام پر 62(16فیصد )مشاہدہ کی گئی ۔
- جماعت اسلامی اور مسلم لیگ ضیا کے پارلیمانی قائدین نے شرکت کی ۔
- چار اقلیتی رکن شریک ہوئے ۔
کارکردگی
- ایوان نے نظام کار پر موجود تین قانونی مسودات صوبائی موٹر وہیکلز (ترمیمی) بل 2016 ( بل نمبر 39 آف 2016 ) ، صوبائی موٹر وہیکلز (ترمیمی) بل 2016 ( بل نمبر 31 آف 2016 ) اور بچوں سے مشقت پر پابندی کے بل 2016 کی منظوری دی ۔
- پنجاب حلال فوڈ اتھارٹی بل 2016 متعارف ہونے بعد متعلقہ کمیٹی کے سپرد ہوا۔
- مقامی حکومتوں اور کمیونٹی ڈویلپمنٹ پر قائم مجلس قائمہ نے بل نمبر 44 پر رپورٹ پیش کی ، ایوان نے دو دیگر مجالس کو رپورٹ پیش کرنیکی مدت میں توسیع دیدی ۔
نمائندگی و جوابدہی
- 27 نشانذدہ سوالات میں سے 09 کے جوابات دیئے گئے ، اراکین نے 21 ضمنی سوالات بھی دریافت کئے ۔ پانچ سوالات کو محرکین کی عدم موجودگی کے باعث نپٹا دیا گیا ۔ایک سوال موخر کر دیا گیا ۔
- تین توجہ دلاؤ نوٹس بھی موخر کئے گئے ۔
نظم و ضبط
- اراکین نے 05 نکات ہائے اعتراض پر 05 منٹ اظہار خیال کیا ۔
- حزب اختلاف پاکستان تحریک انصاف کے کارکنوں کی پکڑ دھکڑ اور انہین اسلام آباد کے دو نومبر کے دھرنے میں شرکت سے زبردستی روکنے کیخلاف 17 منٹ احتجاج کیا ۔
- ایک آزاد رکن نے چھ بج کر ایک منٹ پر کورم کی نشاندہی کی تاہم گنتی کرانے پر کورم پورا پایا گیا ۔
شفافیت
- ایجنڈے کی نقول تمام اراکین ، مشاہدہ کاروں اور دیگرکیلئے دستیاب تھیں ۔
- اراکین کی حاضری کی تفصیل مشاہدہ کاروں اور ذرائع کیلئے دستیاب بنائی گئی ۔
(یہ فیکٹ شیٹ فری اینڈ فئیر الیکشن نیٹ ورک کی شریک کار تنظیم پتن کی جانب سے پنجاب اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی یا کوتاہی پر پیشگی معذرت خواہ ہے۔)
