ایوان نے مقبوضہ کشمیر میں جاری بھارتی فوج کے مظالم کی بھی مذمت کی ۔

خاص نکات

• نشست کا دورانیہ 04گھنٹے 40منٹ رہا ۔
• وقفہ نماز کے باعث ایوان کی کارروائی 19 منٹ معطل رہی ۔
• نشست کا آغاز طے شدہ وقت  تین  بجے سہ پہر کی بجائے چارمنٹ تاخیر کیساتھ ہوا ۔
• چیئرمین  نے  مکمل نشست کی صدارت کی۔
• قائد ایوان مکمل نشست میں شریک ہوئے جبکہ قائد  حزب اختلاف   01 گھنٹہ  17 منٹ تک ایوان میں موجود رہے  ۔
• وزیراعظم شریک نہ ہوئے ۔
• نشست کا آغاز  26(25فیصد )  جبکہ اختتام  21(20فیصد( سینیٹرز کی موجودگی کیساتھ ہوا  ۔
• متحدہ قومی موومنٹ ، پاکستان تحریک انصاف ، پاکستان پیپلز پارٹی ، بلوچستان نیشنل پارٹی (مینگل) ، پاکستان مسلم لیگ (ن) ، پاکستان مسلم لیگ فنکشنل ، جماعت اسلامی اور پختونخوا ملی عوامی پارٹی  کے پارلیمانی قائدین نے شرکت کی
• تین اقلیتی سینیٹر بھی شریک ہوئے۔

کارکردگی

• ایوان نے پولیس آرڈر (ترمیمی) بل 2016 ، اسلام آباد شیشہ سموکنگ پر پابندی بل 2016 ، ضابطہ تعزیرات پاکستان ترمیمی) بل 2016 ( برائے داخل کئے جانے نئی دفعات 320 اے اور 337 جے جے ) ، اسلام آباد بچوں کی ملازمت کی ممانعت کا بل 2016 ، اسلام ٓاباد رجسٹریشن بل 2016 ، تعزیرات پاکستان (ترمیمی) بل 2016 ( برائے ترمیم کئے جانے دفعہ 364 اے ) ، ٹریفکنگ ان پرسن بل 2016 ، مہاجرین کی سمگلنگ بل 2016، پانامہ پیپرز تحقیقاتی کمیشن بل 2016 ، پارٹنر شپ(ترمیمی) بل 2016 اور سول کورٹس ( ترمیمی) بل 2016 کو مزید غور  کیلئے متعلقہ مجالس ہائے قائمہ کے سپرد کردیا ۔
• سرکاری بینچوں نے پانامہ پیپرز تحقیقاتی کمیشن بل 2016 کی مخالفت کی تاہم ایوان نے کثرت رائے سے بل متعارف کرانیکی اجازت دیدی ۔
• خزانہ محصولات ، اقتصادی امور ، شماریات اور نجکاری پر قائم مجلس قائمہ کے ایک رکن نے انکم ٹیکس (ترمیمی) بل 2016 اور ٹیکس قوانین ( ترمیمی) بل 2016 پر رپورٹ پیش کی ۔ ایوان نے مجلس کی ان قانونی مسودات پر مجلس کی سفارشات کی منظوری دیدی ۔
• ایوان مقبوضہ کشمیر میں بھارتی فوج کے مظالم سے متعلق قائد ایوان کی طرف سے پیش ایک ضمنی قرارداد کی منظوری دی    ۔
• ایوان نے نجی اراکین کی تین قراردادوں کی بھی منظوری دی ۔ قرارداد وں میں الطاف حسین کے پاکستان مخالف بیانات کی مذمت اور حکومت سے کم لاگت ہاؤسنگ سکیموں کی تعمیر اور ذہین افراد کی ملک سے ہجرت روکنے کے اقدامات اٹھانے کا مطالبہ کیا گیا ۔ مزید بر آں دو قراردادیں محرکین کی عدم موجودگی کے باعث نپٹا دی گئیں ۔

نمائندگی اور جوابدہی

• ایوان نے پاک بھارت تعلقات کی حالیہ صورتحال پر تین گھنٹے طویل بحث کی ۔ بحث میں 23 سینیٹرز نے حسہ لیا جبکہ وزیراعظم کے مشیر برائے خارجہ امور نے بحث سمیٹی ۔
• ایوان ملک میں پانی کی کم ہوتی ہوئی سطح سے متعلق جاری بحث کو موخر کرتے ہوئے آئندہ نشست مین بحث کیلئے دو تحاریک زیر ضابطہ 218 کی منظوری دی ۔

نظم و ضبط

• ایوان نے ایک نکتہ اعتراض پر چار منٹ صرف کئے ۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
• اراکین کی حاضری کی تفصیل ایوان کی ویب سائٹ پر دستیاب پائی  گئی۔

(یہ فیکٹ شیٹ فری اینڈ فئیر الیکشن نیٹ ورک کی جانب سے  ایوان بالا  کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے۔)