اسلام آباد ،29 اگست2017 : ایوانِ زیریں کے45ویں اجلاس کی پہلی نشست میں ایوان نے پاکستان تحریک انصاف کے رکن قومی اسمبلی گلزار خان کی وفات پر تعزیت کی قرارداد منظور کی ۔
ایوان کی کارروائی کے خاص نکات
- نشست کا دورانیہ 78 منٹ رہا ۔
- نشست کا آغاز طے شدہ وقت 03 بجے سہ پہرکی بجائے 03 بج کر 39 منٹ پر ہوا
- نشست کے آخری بیس منٹ کے سوا جن کی کارروائی چیئر پرسنوں کے پینل کے ایک رکن نے نبھائی ، بقیہ وقت کیلئے اجلاس کی صدارت سپیکر نے کی
- وزیرِ اعظم مکمل نشست میں شریک ہوئے۔
- قائدِ حزبِ اختلاف بھی 63 منٹ کیلئے شریک ہوئے ۔
- نشست کے آغاز پر 121(35 فیصد) اور اختتام پر 83 (24 فیصد) اراکین موجود تھے۔
- نشست میں جماعت اسلامی اور آل پاکستان مسلم لیگ کے پارلیمانی قائدین نے شرکت کی ۔
- چھ اقلیتی اراکین بھی اجلاس میں شریک ہوئے ۔
کارکردگی
- ایوان نے پاکستان تحریک انصاف کے رکن قومی اسمبلی گلزار خان کی وفات پر تعزیت کی قرارداد منظور کی ، 22 اراکین نے ایک گھنٹہ سات منٹ تک مرحوم کی خدمات کو سراہا اور خراج عقیدت پیش کیا ۔
نمائندگی اور جوابدہی
- ایوان نے کل کی نشست میں امریکی صدر کی پاکستان سے متعلق پالیسی پر بحث کیلئے ایک قرارداد کی منظوری دی ۔
شفافیت
- ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
- اراکین کی حاضری کی تفصیل ایوان کی ویب سائٹ پر دستیاب پائی گئی۔
(یہ فیکٹ شیٹ فری اینڈ فئیر الیکشن نیٹ ورک کی جانب سے قومی اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی یا کوتاہی پر پیشگی معذرت خواہ ہے۔)
