اسلام آباد ، 27 فروری2017 :بلوچستان  کی صوبائی اسمبلی کے 37ویں اجلاس کی پہلی نشست میں ایوان نے معمول کے ایجنڈے کو معطل کرتے ہوئے جمعیت العلما اسلام (ف) کے رکن اسمبلی حاجی گل محمد دمر کے انتقال پر اظہار تعزیت کی  مشترکہ قرارداد منظور کی ۔

ایوان نے سانحہ لاہور کے شہدا کیلئے فاتحہ خوانی بھی کی ۔

خاص نکات

• نشست کا دورانیہ 45 منٹ رہا ۔
• نشست کا آغاز طے شدہ وقت 04بجے شام  کی بجائے04بج کر35منٹ پر ہوا ۔
•   سپیکر نے مکمل نشست کی صدارت کی۔ؤ۔
• وزیر اعلیٰ نشست میں شریک نہ ہوئے تاہم قائد حزب اختلاف مکمل نشست میں شریک ہوئے ۔
• نشست کے آغازپر موجود اراکین کی تعداد 20( 29فیصد ) اور اختتام پر موجود اراکین کی تعداد 29(43فیصد) مشاہدہ کی گئی۔
• پختون خوا ملی عوامی پارٹی ، جمعیت العلما اسلام (ف) اور عوامی نیشنل پارٹی  کے پارلیمانی قائد ین نے شرکت کی ۔
• تین اقلیتی اراکین نے بھی شرکت کی۔

کارکردگی

• ایوان نے معمول کے ایجنڈے کو معطل کرتے ہوئے جمعیت العلما اسلام (ف) کے رکن اسمبلی حاجی گل محمد دمر کے انتقال پر اظہار تعزیت کی  مشترکہ قرارداد منظور کی ۔دس اراکین نے 36 منٹ تک اس پر بحث بھی کی اور مرحوم کو خراج عقیدت پیش کیا ۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
• اراکین کی حاضری کی تفصیل ایوان کی ویب سائٹ پر دستیاب نہیں کی گئی ۔

)یہ فیکٹ شیٹ فری اینڈ فئیر الیکشن نیٹ ورک   کی شریک  کار تنظیم  سی پی ڈی  کی جانب  سے بلوچستان اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے(