اسلام آباد ،17مئی 2016 :پنجاب کی صوبائی اسمبلی کے21 ویں اجلاس کی نویں نشست میں ایوان نے نظام کار پر موجود بیشتر امور پر غور کیا ۔
ایوان کی کارروائی کے خاص نکات
- نشست کا دورانیہ 03گھنٹے 53منٹ رہا ۔
- نشست طےشدہ وقت 10بجے کی بجائے 10بج کر 52منٹ پر شروع ہوئی۔
- مکمل نشست کی صدارت سپیکر نے کی،ڈپٹی سپیکر بھی موجود تھے ۔
- قائد ایوان( وزیراعلیٰ ) 53 منٹ کیلئے شریک ہوئے جبکہ قائد حزب اختلاف کی شرکت کا دورانیہ دو گھنٹے 41 منٹ رہا ۔
- نشست کےآغاز پر ایوان میں موجود اراکین کی تعداد15(04فیصد) ، اختتام پر19(05فیصد )مشاہدہ کی گئی ۔
- پیپلز پارٹی اور جماعت اسلامی کے پارلیمانی قائد ین نے شرکت کی ۔
- پانچ اقلیتی رکن بھی شریک ہوئے ۔
کارکردگی
- ایوان نے پنجاب میں دہشت گردی کا شکار بننے والے عام شہریوں کی بحالی و امداد کے آرڈیننس مجریہ 2016 میں 05 جون 2016 سے مزید 90 روز کی توسیع کی قرارداد منظور کی ۔
- وزیر قانون نے پنجاب اینیمل سلاٹر کنٹرول ( دوسرا ترمیمی) بل 2016 متعارف کرایا ۔
- ایوان نے پنجاب زراعت ، خوراک اور ادویات اتھارٹی بل 2016 کی منظوری دی ۔ 09 اراکین نے قانون میں مجوزہ ترامیم پر 40 منٹ تک بحث کی ۔
نمائندگی و جوابدہی
- حکومت نے ایجنڈے پر موجود 07 نشانذدہ سوالات میں سے 06 کے جوابات دیئے ۔ ایک سوال موخرکیا گیا ،اراکین نے 15 ضمنی سوال بھی دریافت کئے ۔
- ایوان نےبہتر نظم و نسق ( گڈ گورننس) کے موضوع پر بحث کی ۔ قائد ایوان اور قائد حزب اختلاف نے اس بحث میں 62 منٹ تک حصہ لیا ۔
نظم و ضبط
- اراکین نے 02 نکات ہائے اعتراض پر 03 منٹ تک اظہار خیال کیا ۔
- حزب اختلاف کے تمام اراکین نے وزیراعلیٰ کے انہیں سنے بغیر ایوان سے چلے جانے کیخلاف دو منٹ کیلئے واک آؤٹ کیا ۔
- پاکستاان تحریک انصاف کے ایک رکن نے دو بج کر 14 منٹ پر کورم کی نشاندہی کی ، سپیکر نے پانچ منٹ کیلئے گھنٹیاں بجانے کا حکم دیا ، گنتی کرانے پر کورم کم پایا گیا ، سپیکر نے نشست ملتوی کردی ۔
شفافیت
- ایجنڈے کی نقول تمام اراکین ، مشاہدہ کاروں اور دیگرکیلئے دستیاب تھیں ۔
- اراکین کی حاضری کی تفصیل مشاہدہ کاروں اور ذرائع کیلئے دستیاب بنائی گئی ۔
(یہ فیکٹ شیٹ فری اینڈ فئیر الیکشن نیٹ ورک کی شریک کار تنظیم پتن کی جانب سے پنجاب اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی یا کوتاہی پر پیشگی معذرت خواہ ہے۔)
