خاص نکات

• نشست کا دورانیہ 91منٹ رہا ۔
• نشست کا آغاز طے شدہ وقت 03بجے  کی بجائے  03بج کر 15 منٹ پر  ہوا ۔
• مکمل نشست کی صدارت سپیکر نے کی، ڈپٹی سپیکر بھی موجود تھے ۔
• قائد ایوان نشست میں شریک  نہ ہوئے  جبکہ قائد حزب اختلاف    مکمل نشست میں  موجود پائے گئے ۔
• نشست کا آغاز 32( 26فیصد )  جبکہ اختتام  44( 35فیصد( اراکین کی موجودگی کیساتھ ہوا  ۔اجلاس کے دوران کسی ایک موقع پر موجود اراکین کی زیادہ سے زیادہ تعداد 50(40فیصد ) مشاہدہ کی گئی ۔
• عوامی نیشنل پارٹی ،قومی وطن پارٹی ، جماعت اسلامی اور مسلم لیگ (ن) کےپارلیمانی  قائدین شریک ہوئے ۔
• ایک اقلیتی رکن بھی شریک ہوئے ۔
• 12اراکین نے رخصت کی درخواستیں ارسال کیں ۔

کارکردگی

• ایوان نے معروف سماجی کارکن عبدالستار ایدھی کے یوم وفات 08 جولائی کوبطور چیریٹی ڈے منانے کی قرارداد منظور کی ۔
• صوبائی وزیر قانون نے خیبر پختون خوا ٹیکنگ اوور انڈسٹریل ایریاز یا اکنامک زونز آرڈیننس 2016 ایوان میں پیش کیا ۔
• ایوان نے خیبر پختون خوا مقامی حکومتوں کے ( ترمیمی) بل 2016 کی منظوری دی ۔
• خیبر پختون خوا ہ ٹیوبر کلوزز نوٹیفیکیشن 2016 متعارف کرایا گیا ۔
• نظام کار پر موجود ایک اور بل خیبر پختون خوا امتناع تمباکو و تمباکو نوشی نہ کرنیوالوں کی صحت کے تحفظ بل 2016 کو متعارف نہ کرایا گیا ۔
• ایوان نے صحت اور خزانہ کی مجالس کی رپورٹس کی منظوری دی ۔
• زراعت پر قائم مجلس قائمہ کی رپورٹ ایوان میں پیش کی گئی ۔

نمائندگی و جوابدہی

• ایوان نے تمام تر قدرتی وسائل موجود ہونے کے باوجو د صوبے کے جنوبی ضلعوں میں پائے جانیوالے احساس محرومی  سے متعلق پیش ایک تحریک التوا  پر بحث کی ۔ جمعیت العلما اسلام (ف) کے ایک رکن نے اس تحریک کو پیش کرتے وقت اسکی وضاحت پر چھ منٹ صرف کئے جبکہ صوبائی وزیر قانون نے اس پر پانچ منٹ اظہار خیال کیا ۔
• ایوان نے دو توجہ دلاؤ نوٹس اٹھائے ، پہلا نوٹس ایبٹ آباد کے نزدیک چھوٹے آبی ذخائر کی تعمیر کیلئے حاصل کی گئی زمین کے مالکان کو معاوضوں کی عدم ادائیگی جبکہ دوسرا جلوزئی ہاؤسنگ سکیم کیلئے حکومت کے پاس اندراج کرانیوالے سرکاری ملازمین کو پلاٹ الاٹ نہ کئے جانے سے متعلق تھا ۔
• نظام کار پر موجود پانچ نشانذدہ سوالات میں سے دو نشانذدہ سوالات کا جواب متعلقہ محکموں نے دیا ، اراکین نے دو ضمنی سوال بھی دریافت کئے ۔

نظم و ضبط

• اراکین نے پانچ نکات ہائے اعتراض پر آٹھ منٹ صرف کئے ۔
• عوامی نیشنل پارٹی کے ایک رکن کو مقامی حکومتوں کے ترمیمی بل 2016 سے متعلق بولنے کی اجازت نہ ملنے کیخلاف  حزب اختلاف کی تمام جماعتوں نے 12 منٹ کیلئے ایوان سے واک آؤٹ کیا ۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔

(یہ فیکٹ شیٹ فری اینڈ فئیر الیکشن نیٹ ورک   کی شریک  کار تنظیم   یو آر ڈی او کی جانب  سے  خیبر پختون خوااسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے۔)