ایوان کی کارروائی کے خاص نکات

• نشست کا دورانیہ 02گھنٹے 59 منٹ رہا ۔
• نشست طےشدہ وقت 10بجے کی بجائے 11 بج کر 17 منٹ پر شروع ہوئی۔
• سپیکر نے 38 منٹ تک نشست کی صدارت کی، بقیہ کارروائی چیئر پرسنوں کے پینل کے ایک رکن نے نبھائی  ، ڈپٹی سپیکر  نے موجود ہونے کے باوجود اجلاس کی صدارت نہ کی ۔  ۔
• قائد ایوان شریک نہ ہوئے ۔
• قائد حزب اختلاف 01 گھنٹہ 10منٹ تک ایوان میں موجود رہے ۔
• نشست کےآغاز پر ایوان میں موجود اراکین کی تعداد28(02فیصد) ، اختتام پر 54(11فیصد )مشاہدہ کی گئی ۔
• جماعت اسلامی  اور پاکستان پیپلز پارٹی کے کے پارلیمانی قائد ین نے شرکت کی ۔
• چار اقلیتی رکن شریک  ہوئے ۔

کارکردگی

• ایوان نےپنجاب مینٹیننس آف پولیس آرڈر  ۰ترمیمی) بل 2016 اور پنجاب پولٹری پروڈکشن بل 2016 پر غور نہ کیا ۔

نمائندگی و جوابدہی

• 15میں سے 09 نشانذدہ سوالات کے جوابات دیئے گئے ،  ، محرکین کی عدم موجودگی کے باعث 06 سوالات کو نپٹا دیا گیا ۔ اراکین نے 25 ضمنی سوالات بھی دریافت کئے ۔
• ایوان نے مختلف موضوعات پر جمع کرائی گئی سات تحاریک التوا اور ایک تحریک استحقاق کو  موخر کر دیا  ۔

نظم و ضبط

• اراکین نے 32 نکات ہائے اعتراض کے ذریعے مقبوضہ کشمیر میں بھارتی فوج کی طرف سے کی جانیوالی انسانی حقوق کی خلاف ورزیوں پر بحث کی ، جو ایک گھنٹہ جاری رہی ۔
• حزب اختلاف نے وفاقی کابینہ کے اجلاس میں بھارتی وزیراعظم نریندرا مودی اور متحدہ قومی موومنٹ کے قائد کے پاکستان مخالف بیانات کو نظر انداز کرنے کے خلاف احتجاج کیا ۔
• جماعت اسلامی کے رکن صوبائی اسمبلی نے صوبے میں شراب کی فروخت کیخلاف ایوان سے 09 منٹ کیلئے واک آؤٹ کیا ۔

شفافیت

• ایجنڈے کی نقول تمام اراکین ، مشاہدہ کاروں اور دیگرکیلئے دستیاب تھیں ۔
• اراکین کی حاضری کی تفصیل مشاہدہ کاروں اور  ذرائع کیلئے دستیاب بنائی گئی ۔

(یہ فیکٹ شیٹ فری اینڈ فئیر الیکشن نیٹ ورک   کی شریک  کار تنظیم پتن    کی جانب  سے پنجاب   اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے۔)