ایوان کی کارروائی کے خاص نکات

• نشست کا دورانیہ چار گھنٹے 58 منٹ رہا ۔
• نشست کا آغاز طے شدہ وقت  دو بجے دوپہر کو ہوا   ۔
• پہلے تین گھنٹے اور پینتیس منٹ تک نشست کی صدارت چیئرمین نے جبکہ بقیہ وقت کی صدارت چیئر پرسنوں کے پینل کے ایک رکن نے کی ۔
• وزیر اعظم نشست  میں  شریک نہ ہوئے ۔
• قائد ایوان تین گھنٹے پینتیس منٹ تک ایوان میں موجود رہے تاہم قائد حزب اختلاف شریک نہ ہوئے  ۔
• نشست کا آغاز  بائیس (اکیس فیصد )  جبکہ اختتام  گیارہ (  دس فیصد( اراکین کی موجودگی کیساتھ ہوا  ۔
•  پاکستان مسلم لیگ (ن) ، جمعیت العلما اسلام (ف) ، پاکستان مسلم لیگ ، متحدہ قومی موومنٹ ، پاکستان مسلم لیگ فنکشنل ، بلوچستان نیشنل پارٹی ( مینگل ) ، پاکستان پیپلز پارٹی پاکستان تحریک انصاف  اور   پختونخوا ملی عوامی پارٹی  کے پارلیمانی قائدین نے شرکت کی ۔

کارکردگی

• ایوان نےگواہوں کی حفاظت ، سیکیورٹی اور فوائد بل 2016،  قانونی اصلاحات ( ترمیمی ) بل 2016، دی لینڈ ایکویزیشن( ترمیمی)  بل 2016 ، ضابطہ دیوانی (ترمیمی) بل 2016 ، دی سپریم کورٹ ( ججوں کی تعداد ) (ترمیمی) بل 2016، انسداد دہشت گردی (ترمیمی) ایکٹ  2016 ،  فوجداری قوانین (ترمیمی) بل 2016 اور ٓٓربٹریشن ایند کنسائلیشن بل 2016 سمیت آٹھ قانونی مسودات کی منظوری دی ۔
• ایوان متحدہ قومی موومنٹ کے ایک سینیٹرز کی پیش کردہ دو قراردادوں کی بھی منظوری دی ۔ پہلی قرارداد میں  وفاقی دارالحکومت کے تمام ہسپتالوں میں قائم گائنا کالوجی ، بریسٹ کینسر اور میمو گرام کے شعبوں مین خواتین ڈاکٹرز کی تعیناتی جبکہ دوسری قرارداد میں تیل اور گیس کے نئے ذخائر کی تلاش کا کام مزید تیز کرنے پر زور دیا گیا ۔
• اٹھارہویں ترمیم پر اسکی حقیقی روح کے مطابق عمل کرنے اور الیکٹرانک و پرنٹ ذرائع ابلاغ  اور ویب سائٹس پر غیر شائستہ  اور فحش مواد سے متعلق دو قراردادوں کو محرک کی درخواست کسی اور نشست تک موخر کر دیا گیا ۔
• وفاقی حکومت کے ملازمین کے یکم جولائی 2015 سے منجمد الاونسز کی بحالی سے متعلق قرارداد محرک کی عدم موجودگی کے باعث  زیر غور نہ لائی گئی ۔
• پلاننگ ، ترقی اور اصلاحات پر قائم قائمہ کمیٹی کے چیئرمین نے حکومت خیبر پختون خوا کی جانب سے مطالبات نمبر نو، تیرہ اور چودہ پر کمیٹی کی رپورٹ  پیش کی ۔

نمائندگی اور جوابدہی

• امریکی صدر بارک اوباما  کی طرف سے اپنی حالیہ تقریر میں  پاکستان میں عشروں تک عدم استحکام رہنے سے متعلق پیشگوئی کے بارے میں پیش کی گئی ایک تحریک التوا پر وزیراعظم کے مشیر برائے خزانہ سمیت بیس اراکین نے ایک گھنٹہ ستائیس منٹ تک اظہار خیال کیا ۔
• تحریک زیر ضابطہ 218 کے تحت اسلام آباد میں بڑھتی ہوئی آبادی کیلئے ایک اور سرکاری ہسپتال کے قیام کی ضرورت پر زور دیا گیا ۔ 12 اراکین نے اس تحڑیک پر چوالیس منٹ تک اظہار خیال کیا ۔
• سال دو ہزار پندرہ مین نجی حج پریٹرز کی کارکردگی سے متعلق پیش کی گئی ایک تحریک پر بھی نو اراکین نے انچاس منٹ تک گفتگو کی ۔
• ایک اور تحریک کے زریعے پی ایچ اے فاونڈیشن کی طرف سے کری روڈ راولپنڈی کے بنیادی ڈھانچے  کے کام ، اور آفیسرز ہاوسنگ سکیم کی  عدم تکمیل پر بحث کی گئی ۔ بحث میں دو سینیٹرز نے نو منٹ تک حصہ لیا ۔
• محرکین کی درخواست پر دو دیگر تحاریک کو موخر کر دیا گیا ۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
• اراکین کی حاضری کی تفصیل ایوان کی ویب سائٹ پر دستیاب پائی  گئی۔

یہ فیکٹ شیٹ فری اینڈ فئیر الیکشن نیٹ ورک کی جانب سے  ایوان بالا  کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے۔