اسلام آباد ، 19 دسمبر 2016 : خیبر پختون خوا اسمبلی کےاکیسویں اجلاس کی بیسویں نشست کورم کی کمی کے باعث ملتوی کر دی ۔
نشست کا آغاز صرف اٹھارہ جبکہ اختتام اراکین کی موجودگی میں ہوا ۔
کارروائی کے اہم نکات
- نشست کا دورانیہ 36منٹ رہا ۔
- نشست کا آغاز طے شدہ وقت 02بجےدو پہر کی بجائے 02بج کر 09منٹ پر ہوا ۔
- ڈپٹی سپیکر نے مکمل نشست کی صدارت کی ۔
- نشست کا آغاز 18(15 فیصد ) اور اختتام 28(23فیصد ) اراکین کی موجودگی میں ہوا ۔
- قائد ایوان اور قائد حزب اختلاف شریک نہ ہوئے۔
- قومی وطن پارٹی اور مسلم لیگ (ن) کےپارلیمانی قائدشریک ہوئے ۔
- ایک اقلیتی رکن بھی شریک ہوئے ۔
کارکردگی
- وزیر پارلیمانی امور نے خیبر پختون خوا سنسر شپ آف موشن پکچرز(فلمز ، سی ڈیز ، وڈیوز ، سٹیج ڈرامہ ، سٹیج شو ) بل 2016 ایوان میں متعارف کرایا ۔بل کو مزید غور کیلئے متعلقہ مجس کے سپرد کردیا گیا ۔
نظم و ضبط
- پاکستان مسلم لیگ(ن) کے ایک رکن نے دو بج کر اکیاون منٹ پر کورم کی نشاندہی کی ، چیئر نے دومنٹ کیلئے گھنٹیاں بجانے کا حکم دیا ، گنتی کرانے پر کورم کم پایا گیا جس کے بعد چیئر نے نشست پندرہ منٹ کیلئے معطل کردی ۔
- مسلم لیگ (ن) کے اسی رکن نے تین بج کر اکیاون منٹ پر پھر کورم کی نشاندہی کی جس کے بعد نشست ملتوی کردی گئی ۔
شفافیت
- ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
(یہ فیکٹ شیٹ فری اینڈ فئیر الیکشن نیٹ ورک کی شریک کار تنظیم یو آر ڈی او کی جانب سے خیبر پختون خوااسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی یا کوتاہی پر پیشگی معذرت خواہ ہے۔)
