ایوان زیریں کے قواعد و ضوابط ہائے کار کے مطابق جب بھی اجلاس جاری ہو اس دوران منگل کا دن نجی اراکین کی کارروائی کیلئے مختص ہوتا ہے تاہم گزشتہ منگل کے روز پارلیمان کا مشترکہ اجلاس منعقد ہوا جس کے باعث آج کی نشست نجی اراکین کی کارروائی کیلئے مختص کی گئی ۔

ایوان نے اس نشست کے دوران برسلز میں دہشت گردی کا شکار ہونیوالوں کے سوگ میں ایک منٹ کیلئے خاموشی بھی اختیار کی ۔

ایوان کی کارروائی کے خاص نکات

• نشست کا دورانیہ 03گھنٹے 06منٹ  رہا ۔
• نشست کا آغاز طے شدہ وقت ساڑھے  دس بجے کی بجائے تینتیس منٹ تاخیر کیساتھ ہوا۔
• نشست کے ابتدائی 149 منٹ تک  صدارت کے فرائض سپیکر نے جبکہ بقیہ وقت  کیلئے  چیئر پرسنوں کے پینل کے ایک رکن  نے  انجام دیے۔
• وزیرِ اعظم شریک نہ ہوئے۔
• قائد حزب اختلاف 02 گھنٹے 25 منٹ کیلئے شریک ہوئے
• 10 وفاقی وزرا  نے اجلاس میں شرکت کی۔
• نشست کے آغاز پر 16 (05 فیصد)  اور اختتام پر48 (15 فیصد) اراکین موجود تھے۔
• نشست میں متحدہ   قومی موومنٹ ، پختونخوا ملی عوامی پارٹی  ، عوامی نیشنل پارٹی  ، جماعت اسلامی ، قومی وطن پارٹی، عوامی مسلم لیگ پاکستان  اور پاکستان مسلم لیگ  ضیا کے پارلیمانی قائدین نے شرکت کی ۔
• 06   اقلیتی اراکین بھی اجلاس میں  شریک ہوئے ۔

کارکردگی

• متحدہ قومی موومنٹ کے اراکین نے کمسنی کی شادیوں پر ممانعت کا(ترمیمی) بل 2016 متعارف کرایا ، بل کو متعلقہ مجلس قائمہ کے سپرد کیا گیا ۔
• جمعیت العلما اسلام (ف) کے ایک ایک رکن نے عدالت عظمیٰ (ججوں کی تعداد ) (ترمیمی )  بل 2016 کو ایوان بالا سے بھی منظور کئے گئے بل کے طور پر پیش کیا تاہم ایوان نے اس بل کو بھی متعلقہ مجلس قائمہ کے سپرد کر دیا ۔
• ایوان نے پاکستان پیپلز پارٹی کی پیش کردہ قرارداد متعلقہ بہ کرائے جانے مردم شماری کی منظوری دی ۔ دو اراکین نے اس پر نو منٹ تک بحث بھی کی ۔
• بے نظیر انکم سپورٹ پروگرام کیلئے ازسر نو سروے کی قرارداد بھی منظور کی گئی ، قرارداد ن لیگ کے رکن نے پیش کی تھی ۔ چار اراکین نے چار منٹ تک بحث بھی کی ۔
• جمعیت العلما اسلام (ف) کی رکن کی پیش کی گئی ایک قرارداد منظور گئی ۔ قرارداد میں حکومت سے مطالبہ کیا گیا کہ پاسپورٹ اور نادرا کے دفاتر میں خواتین کیلئے علیحدہ کاؤنٹر قائم کئے جائیں ۔
• ایوان نے پاکستان تحریک انصاف کے رکن کی طرف سے پیش قرارداد مسترد کردی ، قرارداد میں ہاؤس بلڈنگ فنانس کارپوریشن کے قرضہ کی بلا سود حد کم از کم بیس لاکھ مقرر کرنیکی سفارش کی گئی تھی ۔
• پاکستان پیپلز پارٹی کے رکن کی طرف سے پیش کی گئی قرارداد کی منظوری دی گئی ، قرارداد میں برسلز دھماکوں کی مذمت کی گئی۔
• ایوان نے ایک نجی قانونی مسودے اور ایک تحریک پر غور نہ کیا ۔

نمائندگی اور جوابدہی

• ایجنڈے پر موجود 30 میں سے 10 نشانذدہ سوالات کے جوابات دیئے گئے ، اراکین نے 14 ضمنی سوال بھی دریافت کئے ۔
• ایوان نے ملک میں جان بچانے والی ادویات عدم دستیابی سے متعلق ایک توجہ دلاؤ نوٹس کو بھی اٹھایا ۔
• چار اراکین نے عوامی اہمیت کے ایک معاملے جسکا تعلق قومی احتساب بیورو کی کارکردگی سے تھا پر بحث کی ۔
• ایوان نے ایک توجہ دلاؤ نوٹس ، پانچ تحاریک زیر ضابطہ 87 اور ایک تحریک زیر ضابطہ 244(بی) پر غور نہ کیا ۔

نظم و ضبط

• اراکین نے 14 نکات ہائے اعتراض پر 20 منٹ تک اظہار خیال کیا  ۔

شفافیت

• ایجنڈے کی نقول تمام اراکین ، مشاہدہ کاروں اور عوام کیلئے دستیاب تھیں ۔
• اراکین کی حاضری کی تفصیل ایوان کی ویب سائٹ پر دستیاب پائی  گئی۔

یہ فیکٹ شیٹ فری اینڈ فئیر الیکشن نیٹ ورک کی جانب سے قومی اسمبلی کی کاروائی کے براہ راست مشاہدے پر مبنی ہے۔ ادارہ ممکنہ غلطی  یا کوتاہی پر پیشگی معذرت خواہ ہے۔)